حافظ آباد میں آج تعزیہ اور ذوالجناح کے 3، 3 جلوس نکالے جائیں گے
حافظ آباد (نمائندہ نوائے وقت) حافظ آباد شہر میں عاشورہ کے موقع پر آج تعزیہ اور ذوالجناح کے تین، تین جلوس نکالے جائیں گے۔ تعزیہ کا پہلہ جلوس وارڈ نمبر1 شاہراہ فاروق اعظمؓ سے دوسرا محلہ حسین پورہ سے جبکہ تیسرا جلالپور روڈ سے شروع ہو گا۔ اس طرح ذوالجناح کا پہلا جلوس ڈاکخانہ روڈ پر سید نقی شاہ کی رہائشگاہ سے برآمد ہو گا۔ جہاں زنجیر زنی ہو گی۔ دوسرا جلوس محلہ حسین پورہ سے لیاقت زوار کھنو کی قیادت میں اور تیسرا جلوس دربار روڈ پر سید شاہد حسین ترمذی کی رہائش گا سے برآمد ہو گا۔
