چیمپئنز ٹرافی ہاکی ٹورنامنٹ کل سے شروع ، قومی ٹیم ہالینڈ سے مقابلہ کیلئے تیار
لاہور (سپورٹس رپورٹر) 34 واں چیمپئنز ٹرافی ہاکی ٹورنامنٹ کل سے آسٹریلیا کے شہر میلبورن میں شروع ہوگا۔ پاکستان ہاکی ٹیم کو گروپ بی میں ہالینڈ، آسٹریلیا اور بیلجیئم کے ساتھ رکھا گیا ہے۔ قومی ٹیم ایم عمران کی قیادت میں پہلا میچ کل ہالینڈ کے خلاف کھیلے گی جبکہ دیگر تین میچز میں جرمنی کا مقابلہ نیوزی لینڈ سے، آسٹریلیا کا مقابلہ بیلجیئم سے اور انگلینڈ کا مقابلہ بھارت سے ہوگا۔ سابق کوچ خواجہ جنید کا کہنا ہے کہ ٹورنامنٹ میں شریک کوئی بھی ٹیم آسان نہیں ہے کامیابی کے لئے کھلاڑیوں کو سخت محنت کرنا ہوگی۔
