سرگودھا + کوٹ مومن + بھلوال (نامہ نگاران) گاڑی نہر میں گرنے سے سابق ایم پی اے ڈرائیور سمیت جاںبحق ہو گیا۔ بتایا گیا ہے کہ ایم پی اے طاہر اقبال سندھو کے بھائی سابق ایم پی اے زاہد اقبال سندھو اپنے ڈرائیور عنصر کے ہمراہ گاڑی پر جا رہے تھے کہ اُن کی گاڑی بے قابو ہو کر 65 جھال نہر میں جا گری جس کے نتیجہ میں سابق ایم پی اے زاہد اقبال موقع پر جاںبحق جبکہ اُن کا ڈرائیور عنصر بعدازاں دم توڑ گیا۔ سابق ایم پی اے زاہد اقبال سندھو کو اُن کے آبائی گاو¿ں 19چک پاہڑیانوالی میں آج صبح 10 بجے سپرد خاک کیا جائے گا۔