پی سی بی کا پانچ رکنی سکیورٹی وفد آج بھارت میں سٹیڈیمز کے انتظامات کاجائزہ لے گا
لاہور (کامرس رپورٹر) پاک بھارت کرکٹ سیریز کے لئے سکیورٹی اور دیگر انتظامات کا جائزہ لینے پاکستان سے پانچ رکنی وفد گزشتہ روز بھارت چلا گیا‘ وفد آج کھلاڑیوں کو ٹھہرانے اور مقابلوں کے مقامات کا دورہ کرکے سکیورٹی اور دیگر انتظامات کا تفصیلی جائزہ لےگا۔ گزشتہ روز پی سی بی کے منیجر انٹرنیشنل کرکٹ عثمان واہلہ، ڈائریکٹر سکیورٹی اینڈ ویجلینس احسان قادر‘ جی ایم میڈیا ندیم سرور‘ وزارت داخلہ اورپنجاب پولیس کا ایک ایک نمائندہ بھی مشتمل پانچ رکنی بذریعہ ہوائی جہاز بھارت کے لئے روانہ ہوا۔
