لاہور (کامرس رپورٹر) ہالینڈکی ویٹرن ہاکی ٹیم تین میچوں کی سیریز کھیلنے کے لئے لاہور پہنچ گئی۔ ایئرپورٹ پر ڈار ہاکی اکیڈمی اور پنجاب حکومت کے عہدیداروں نے ٹیم کا استقبال کیا۔ فلائنگ ڈچ ویٹرنز ہاکی کلب ہالینڈ کا سب سے پرانا ہاکی کلب ہے جس میں سابقہ انٹرنیشنل کھلاڑی راب لتوس، گریم برگر، واٹرنگ جیسے شامل ہیں۔ ٹیم منیجر راب لتوس کا کہنا تھا کہ پاکستان آ کر بہت خوشی ہوئی۔ لاہور آکر ہمارے خیالات ہی تبدیل ہوگئے ہیں۔ ڈار ہاکی اکیڈمی کے صدر توقیر ڈار کا کہنا تھا کہ عرصہ دراز کے بعد پاکستان میں یورپی ہاکی کی ٹیم کی آمد ہوئی ہے جو خوش آئند بات ہے۔ پنجاب حکومت کی مکمل سپورٹ کے بعد ہالینڈ سے ٹیم لاہور آئی ہے۔ ڈار ہاکی اکیڈمی کے ڈائریکٹر مارکیٹنگ عباس علی بابرکا کہنا تھا کہ ٹیم کی آمد سے دیگر دنیا بھرمیں پاکستان کا مثبت چہرہ سامنے آئے گا۔