گوجرانوالہ (نمائندہ خصوصی)گورنمنٹ پوسٹ گریجوایٹ کالج برائے خواتین ماڈل ٹاﺅن کی طالبات نے پنجاب یونیورسٹی کے زیراہتمام ہونے والے انٹرکالجیٹ مقابلہ جات میں مجموعی طور پر تیسری پوزیشن حاصل کر لی۔ انفرادی طور پر سائرہ شوکت نے چار سو میٹر میں سیکنڈ اور ہائی جمپ میں تھرڈ‘ کرن بٹ نے پانچ سو میٹر‘ آٹھ سو میٹر اور پندرہ سو میٹر ریلے میں سیکنڈ پوزیشن حاصل کی اور تین ہزار میٹر ریس میں براﺅن میڈل حاصل کیا۔ مریم شہزادی نے چار سو میٹر ریلے میں سیکنڈ پوزیشن حاصل کرکے سلور میڈل حاصل کئے سائرہ تبسم نے چار سو میٹر ریلے میں سیکنڈپوزیشن حاصل کی‘ ماڈل ٹاﺅن گوجرانوالہ کی تمام طالبات ان مقابلہ جات میں سلور میڈلز کی حقدار ٹھہری ہیں۔ کالج کی پرنسپل مسزرفعت سہیل چیمہ اور مسز بلقیس زاہد نے طالبات کو کامیابی پرمبارکباد دی۔