لاہور (سپورٹس رپورٹر) پاکستان کرکٹ بورڈ کے چار رکنی وفد نے چناسوامی کرکٹ سٹیڈیم میں سکیورٹی انتظامات اور کھلاڑیوں کیلئے فراہم کردہ سہولیات پر اطمینان کا اظہار کر دیا۔ پاکستان بھارت سیریز کے انتظامات کی چیکنگ کیلئے آج کل پی سی بی کا 4 رکنی وفد بھارت میں موجود ہے اور تمام گراﺅنڈز کا معائنہ کررہا ہے۔ گذشتہ روز پاکستانی وفد نے کرناٹکا کرکٹ ایسوسی ایشن کے سیکرٹری جواگل سری ناتھ اور مقامی پولیس آفیسرز سے ملاقاتیں کیں۔ بھارتی کرکٹ بورڈ کی طرف سے اس موقع پر انتظامی آفیسر رتنا کرشنا سیٹھی اور سورو نائیک موجود تھے۔