لاہور (سپورٹس رپورٹر) نیشنل گولڈکپ ہاکی ٹورنامنٹ نیشنل ہاکی سٹڈیم کی گراونڈ نمبر دو لاہور میں شروع ہو گیا۔ پہلے روز دو میچ کھیلے گئے جن میں آرمی نے واپڈا کو ایک کے مقابلے دو گول سے شکست دی جبکہ نیشنل بنک اور سوئی گیس کی ٹیموں کے درمیان میچ برابر رہا۔ ٹورنامنٹ میں آج مزید دو میچ کھیلے جائیں گے۔ پہلے میچ میں پی آئی اے کا مقابلہ کسٹمز سے جبکہ دوسرے میچ میں واپڈا اور سوئی گیس کی ٹیمیں ایک دوسرے کے مد مقابل ہونگی۔