سڈنی (نیوز ایجنسیاں) سابق آسٹریلین باﺅلر شین وارن ایشز سیریز کیلئے دوبارہ ٹیم میں شمولیت کیلئے پر تولنے لگے۔ رپورٹس کے مطابق 43 سالہ باﺅلر جنہوں نے 2007ءمیں ٹیسٹ کرکٹ سے ریٹائرمنٹ لے لی تھی لیکن وہ چار سال سے راجستھان رائلز کی نمائندگی کررہے ہیں‘ نے میڈیا سے گفتگو کرتے ہوئے کہا کہ جنوبی افریقہ کیخلاف ٹیسٹ سیریز میں آسٹریلوی ٹیم کی کارکردگی دیکھ کر دکھ ہوا۔ اگر میرے قریبی دوست آسٹریلین کپتان مائیکل کلارک مجھے ٹیم میں آنے کا کہیں تو میں دوبارہ ٹیسٹ کرکٹ کھیل سکتا ہوں۔