راولپنڈی (اے پی اے) پاک فوج کے سربراہ جنرل اشفاق پرویز کیانی کی سربراہی میں کور کمانڈرز کانفرنس آج جنرل ہیڈ کوارٹرز راولپنڈی میں ہو گی، یہ معمول کی ماہانہ کور کمانڈر کانفرنس ہو گی جس میں پاک فوج کی پیشہ وارانہ تیاریوں اور دیگر تربیتی امور زیر غور آئیں گے۔ ذرائع کے مطابق کور کمانڈرز کانفرنس میں پاک فوج کے سربراہ جنرل اشفاق پرویز کیانی اپنے حالیہ دورہ برسلز اور اس موقع پر نیٹو عسکری حکام سے ملاقاتوں کے بارے میں کور کمانڈروں کو اعتماد میں لیں گے۔