لاہور (سپورٹس رپورٹر) پاکستان کے دورہ پر آئی مہمان فلائنگ ڈچ ہاکی ٹیم اپنا تیسرا اور آخری میچ پاکستان ویٹرن کے خلاف آج جوہر سٹیڈیم میں کھیلے گی۔ مقابلے کا آغاز اڑھائی بجے ہوگا جس میں خادم اعلیٰ پنجاب میاں شہباز شریف بطور مہمان خصوصی شریک ہو نگے۔ جوہر ہاکی سٹیڈیم میںآج کھیلے جانے والے میچ میں پاکستان ویٹرن کی ٹیم میں حسن سردار، سمیع اللہ، دانش کلیم، شہباز سنیئر، محمد اخلاق، رانامجاہد، خواجہ جنید، سلیم شیروانی، شاہد علی خان، خالد بشیر، انجم سعید، طاہر زمان، خالد رسول اور ارشد چوہدری کی شرکت متوقع ہے۔ تین میچوں کی سیریز میں فلائنگ ڈچ ہاکی ٹیم کو ایک صفر سے برتری حاصل ہے جبکہ ایک میچ برابر رہا تھا۔