لاہور (آئی اےن پی) سٹیج اداکارہ حنا شاہین نے کہا ہے کہ ڈراموں میں فحش گانوں کو شائقین زیادہ پسند کرتے ہیں اور ڈائریکٹرز کی شرط پر فنکار بھی بے بس ہو جاتے ہیں‘ سٹیج ڈراموں کا مقصد ہی افسردہ لوگوں کے چہروں پر رونقیں بکھیرنا ہے مگر فحاشی اور عریانی نہیں ہونی چاہئے۔ انہوں نے کہا کہ بدقسمتی سے سٹیج ڈراموں کے پاکستانی شائقین مجرے اور فحش گانوں کو زیادہ پسند کرتے ہیں اور ایسے گانوں کی وجہ سے ہی ڈرامے ہی کامیاب ہوتے ہیں۔