کوئٹہ (وقت نیوز +بیورورپورٹ+آن لائن) کوئٹہ میں بروری روڈ کے علاقے میں دھماکے سے 4 افراد زخمی، متعدد عمارتوں کے شیشے ٹوٹ گئے۔ بلوچستان کے صنعتی شہر حب میں دھماکہ خیز مواد پھٹنے سے عمارتوں کے شیشے ٹوٹ گئے اور علاقے میں خوف و ہراس پھیل گیا تاہم کوئی جانی نقصان نہیں ہوا۔ ہفتہ کی شام بلوچستان کے صنعتی شہر حب بلدیہ روڈ پر اختر نامی شخص کے گھر کے قریب نامعلوم افراد کی جانب سے تخریب کاری کے لئے دھماکہ خیز مواد نصب کیا گیا تھا جو زوردار دھماکے سے پھٹ گیا، آواز دور دور تک سنی گئی۔