گوجرانوالہ (نمائندہ خصوصی) گھریلو پریشانی اور حالات سے دلبرداشتہ طالبہ اور ملازم لڑکے نے خودکشی کر لی جبکہ انتہائی اقدام کرنے والے 2 نوجوانوں کی حالت غیر ہو گئی۔ بتایا گیا ہے کہ نواحی علاقہ ونیہ کی میٹرک کی طالبہ 17 سالہ زینب نے گھریلو پریشانی سے دلبرداشتہ ہو کر زہریلی گولیاں کھالیں، جسے طبی امداد کیلئے ڈسٹرکٹ ہسپتال لایا گیا جہاں کچھ دیر موت و حیات کی کشمکش میں رہنے کے بعد دم توڑ گئی۔ ادھر واپڈا ٹاﺅن کے 16 سالہ عمر اور عطا محمد روڈ کے 22 سالہ سکندر نے بھی گھریلو پریشانیوں پر زہریلی گولیاں کھا لیں انہیں ہسپتال میں طبی امداد فراہم کی جا رہی ہے جہاں دونوں نوجوانوں کی حالت تشویشناک بیان کی جاتی ہے۔ ساہیوال میں شکور نے زہر کھا لیا، نعش باتھ روم سے ملی۔