لاہور (سپورٹس رپورٹر) پاکستانی ٹیم کے کپتان مصباح الحق نے کہا کہ ٹی ٹونٹی ٹورنامنٹ میں کئی باصلاحیت کھلاڑی سامنے آئے جنہیں قومی ٹیم میں نمائندگی کا حق ملنا چاہیے۔ ٹی ٹونٹی ٹورنامنٹ کے فائنل میں لاہور لائنز سے شکست کھانے کے بعد پریس کانفرنس کرتے ہوئے انہوں نے کہا کہ فیصل آباد ٹیم کی پرفارمنس پورے ٹورنامنٹ میں اچھی رہی فائنل میں جلدی وکٹیں گرنے سے شکست کا سامنا کرنا پڑا سعید اجمل کی کمی شدت سے محسوس ہوئی تاہم باﺅلرز نے آسان وکٹ پر بیٹسمینوں کو کم سکور تک محدود کیا۔