لاہور (سپورٹس رپورٹر) پہلے ٹی ٹونٹی بلائنڈ ورلڈ کپ میں پاکستان ٹیم کی مسلسل کامیابیوں کا سلسلہ گزشتہ روز بھی جاری رہا۔ گزشتہ روز کھیلے جانے والے ساتویں میچ میں پاکستان بلائنڈ ٹیم نے سری لنکا کو 9 وکٹوں سے شکست دیدی۔ بنگلور میں کھیلے جانے والے اس میچ میں سری لنکا کی ٹیم کے کپتان نے ٹاس جیت کر پہلے بیٹنگ کا فیصلہ کیا۔ سری لنکا کی ٹیم مقررہ اوورز میں 9 وکٹوں پر 147 رنز بنا سکی۔ دیش پرایا 39 رنز کے ساتھ ٹاپ سکورر رہے۔ پاکستان کی جانب سے با¶لنگ میں انیس جاوید، جمیل اور ایاز نے دو دو کھلاڑیوں کو آ¶ٹ کیا۔ جواب میں پاکستان ٹیم نے 9.1 اوورز میں ہدف صرف ایک وکٹ کے نقصان پر پورا کر لیا۔ محمد ظفر نے سب سے زیادہ 52 ناٹ آ¶ٹ رنز بنائے جبکہ علی مرتضٰی 49 سکور کے ساتھ ناقابل شکست رہے۔ آخر میں انیس جاوید کو میچ کا بہترین کھلاڑی قرار دیا گیا۔ پاکستان ٹیم ٹورنامنٹ میں اپنا آٹھواں میچ آج نیپال کے خلاف کھیلے گی۔