لاہور (خبرنگار) معاون خصوصی وزیراعلی پنجاب زعیم قادری نے کہا ہے کہ پیپلز پارٹی کا آئندہ انتخابات میں کلین سویپ کا دعویٰ دیوانے کا خواب ہے۔ راجہ ریاض کے بیان پر تبصرہ کرتے ہوئے انہوں نے کہا کہ راجہ صاحب آئندہ پیپلز پارٹی کی حکومت بننے کے خواب دیکھنا چھوڑ دیں۔ مسلم لیگ ن کی جیت سے راجہ ریاض شدید پریشانی میں مبتلا ہیں اور فیصل آباد میں وزیراعظم کے ناکام جلسے کے بعد حواس کھو بیٹھے ہیں۔ علاوہ ازیں زعیم قادری نے کرپشن کے عالمی دن پر شرجیل میمن کو پیپلز پارٹی کو کرپشن کے نئے ریکارڈ قائم کرنے پر مبارکباد دی۔ پاکستان کو کرپشن میں 42 ویں نمبر سے 33 ویں نمبر پر لانے کا سہرا شرجیل میمن کی پارٹی کے سر ہے۔ انہوں نے کہا کہ قانون سے کوئی بالاتر نہیں یہی وجہ ہے چوروں، لٹیروں اور ملکی خزانہ لوٹ کر سوئس بنکوں میں جمع کرانے والوں کو چھوٹ نہیں دی جا سکتی۔ شرجیل میمن چاہے جتنا مرضی شور مچا لیں، اپنی پاٹری کے ڈاکوﺅں اور لٹیروں کو انتخابات میں عوام کے عتاب سے نہیں بچا سکیں۔ گے۔