اسلام آباد (ثناءنیوز) قومی ہاکی ٹیم کا اب اگلا امتحان ایشین چیمپئنز ٹرافی ہے، جس کا آغاز 20 دسمبر سے قطر کے شہر دوحہ میں ہوگا۔ موجودہ ٹیم میں 3 تبدیلیاں کی جائیں گی، عمر بھٹہ، علی شان کے ساتھ محمد عتیق کو ریسٹ کرایا جائے گا جبکہ پابندی کے شکار فل بیک محمد عرفان کے ساتھ 2 مزید نئے کھلاڑی سکواڈ کا حصہ بنیں گے۔ ٹیم کوچ اختر رسول کے مطابق ایشین چیمپئنز ٹرافی کے لئے سکواڈ کا اعلان 14 دسمبر کو ہوگا، ٹیم 17 دسمبر کو دوحہ جائے گی۔ علاوہ ازیں براﺅنز میڈل جیتنے والی قومی ٹیم کے کھلاڑیوں کا میچ کے بعد پاکستانی شائقین نے پرتپاک استقبال کیا، پاکستانیوں کی نسبت میلبورن میں بھارتیوں کی ایک بڑی تعداد موجود ہے۔