ٹیمیں لاہور پہنچ گئیں، ڈیف ایشیاءکرکٹ کپ کی افتتاحی تقریب آج ہو گی
لاہور(سپورٹس رپورٹر) ڈیف ایشیا کپ ٹورنامنٹ کی افتتاحی تقریب آج پنجاب سٹیڈیم لاہور میں ہوگی جس میں شرکت کے لیے غیر ملکی ٹیمیں پاکستان پہنچ گئیں ہیں۔ ٹورنامنٹ کے میچز کل سے شروع ہونگے۔ ٹورنامنٹ میں حصہ لینے کے لئے بھارت، افغانستان اور نیپال کی ٹیمیں لاہور پہنچ گئیں ۔بھارت کی ڈیف کر کٹ ٹیم گذشتہ روز واہگہ بارڈر کے ذریعے لاہور پہنچی ۔ پاکستان ڈیف کر کٹ ایسوسی ایشن کے عہدیداروں نے استقبال کیا ۔ڈیف ایشیا کپ کر کٹ ٹورنامنٹ کے میچز لاہور کے دو گراﺅنڈز باغ جناح اور ایل سی سی اے گراﺅنڈ پر کھیلے جائیں گے۔
