ناگپور (آئی این پی) انگلش کرکٹ ٹیم کے بیٹنگ کوچ گراہم گوچ نے کہا کہ انہیں امید ہے کہ بھارت کے خلاف ناگپور میں شروع ہونے والے آخری ٹیسٹ میچ کےلئے سپورٹنگ وکٹ بنائی جائے گی، جس پر دونوں ٹیموں کو مدد مل سکے۔ انگلش ٹیم گزشتہ روز کولکتہ سے ناگپور پہنچ گئی جہاں وہ میزبان ٹیم کے خلاف آخری ٹیسٹ میچ میں شرکت کرے گی اگر انگلش ٹیم آخری ٹیسٹ میچ جیتنے یا ڈرا کرنے میں کامیاب ہو گئی، تو وہ 8 سال بعد پہلی مہمان ٹیم ہوگی جو بھارتی سرزمین پر کامیابی حاصل کر نے میں کامیاب ہوگی۔ انگلش ٹیم کے بیٹنگ کوچ گراہم گوچ نے کہا کہ دوسرے اور تیسرے ٹیسٹ میچ کےلئے بہترین پچز تیار کی گئی تھیں، جس میں باﺅلرز کو کافی مدد ملی۔