بلائنڈ ٹی ٹونٹی ورلڈ کپ: پاکستان انگلینڈ کو آج سیمی فائنل میں شکست دینے کیلئے تیار
بنگلور (نیوز ایجنسیاں) پاکستان بلائنڈ کرکٹ ٹی ٹونٹی ورلڈکپ کے پہلے سیمی فائنل میں آج انگلینڈ کا سامنا کرے گا جبکہ دوسرے سیمی فائنل میں بھارت کا سری لنکا کے مدمقابل ہو گا۔ پاکستان کی ٹیم اپنے آٹھ میچزمیں ناقابل شکست رہی ہے۔ پاکستان ٹیم مینجمنٹ کے مطابق آج ہونے والے سیمی فائنل کے لئے پاکستان کی ٹیم میں ریگولرکپتان ذیشان عباسی کی شمولیت کا قوی امکان ہے۔ جن کی طبیعت ہوٹل سٹاف کی مبینہ سازش کے نتیجے میں فنائل پی لینے کے باعث بگڑگئی تھی۔ پہلے سیمی فائنل میں پاکستان اورانگلینڈ فائنل میں جگہ کے لئے ایک دوسرے کو زیر کرنے کی تگ و دو کریں گے۔ دوسرے سیمی فائنل میں میزبان بھارت سری لنکا کاسامنا کرے گا جبکہ ایونٹ کا فائنل تیرہ دسمبرکو کھیلا جائے گا۔
