ڈیرہ اسماعیل خان(نامہ نگار) ای ڈی او ہیلتھ ڈیرہ اسماعیل خان پشاور سے ڈیرہ اسماعیل خان آتے ہوئے لاپتہ ہوگئے۔ان کے ہمراہ سرکاری گاڑی میں ڈرائیور محمد جاوید اور ڈسپنسر عطاءاللہ بھی انکے ہمراہ تھے وہ گزشتہ شب 7 بجے پشاور سے ڈیرہ اسماعیل خان کیلئے روانہ ہوئے تھے وہ رات 8 بجے سے لاپتہ ہوئے انکے گھر والوں نے بتایا کہ ہماری ان سے آخری بات رات 8بجے ہوئی جس میں انہوں نے بتایا کہ میں اس وقت درہ آدم خیل کراس کر رہا ہوں۔ ڈپٹی انسپکٹر جنرل پولیس قاضی جمیل الرحمن کے مطابق انکے گھر والوں نے ڈی ایچ او ڈاکٹر عاشق سلیم کے لاپتہ ہونے کی اطلاع دی ہے جس کے بعد محکمہ پولیس متعلقہ محکمے اور دیگر محکموں کے ساتھ رابطے کر رہے ہیں۔