مریدکے (نامہ نگار) پی سی بی نیشنل ویمن انڈر 19کرکٹ چیمپئن شپ کے سیمی فائنلز میں کراچی نے راولپنڈی جبکہ لاہور نے فیصل آباد کو شکست دے کر فائنل کے لئے کوالیفائی کر لیا۔ فائنل میچ آج دوپہر مریدکے میں کھیلا جائے گا۔لاہور کنٹری اینڈ سپورٹس کلب مریدکے میں کھیلی جانے والی کرکٹ چیمپئن شپ کے پہلے سیمی فائنل میں راولپنڈی کی ٹیم نے ٹاس جیت کر پہلے بیٹنگ کا فیصلہ کیا اور سات کھلاڑیوں کے نقصان پر 101رنز بنائے۔ کراچی کی ٹیم نے ہدف سات کھلاڑیوں کے نقصان پر حاصل کر لیا۔ مریم بخاری کو پلیئر آف دی میچ کا ایوارڈ دیا گیا۔ دوسرے سیمی فائنل میں فیصل آباد 19.2 اووروں میں77رنز بنا کر آو¿ٹ ہو گئی۔ لاہور نے ہدف دو وکٹوں پر 16.1 اوور میں پورا کر لیا فریحہ محمود کو ویمن آف دی میچ کا ایوارڈ دیا گیا۔