وقار یونس کو نیشنل کرکٹ اکیڈمی میں اہم ذمہ داری دینے کا فیصلہ
لاہور (سپورٹس رپورٹر) پاکستان کرکٹ بورڈ نے وقار یونس کو نیشنل کرکٹ اکیڈمی لاہور میں اہم ذمہ داریاں دینے کا اصولی فیصلہ کر لیا ہے جبکہ این سی اے میں تعینات ڈائریکٹر انتخاب عالم کو پی سی بی میں ڈائریکٹر انٹرنیشنل افئیرز تعینات کیا جائے گا۔ ذرائع کے مطابق قومی کر کٹ ٹیم کے سابق کپتان وقار یونس کی گذشتہ روز چیئرمین پی سی بی سے ہونے والی ملاقات میںنیشنل کرکٹ اکیڈمی کو فعال بنانے کے معاملے پر تفصیلی بات چیت ہو ئی جس میں چیئرمین پی سی بی نے نیشنل کرکٹ اکیڈمی کو دنیا کی دیگر اکیڈمیز کی طرح فعال بنانے کے لئے مختلف تجاویز دیں۔
