لاہور (سپورٹس رپورٹر)دورہ بھارت کی تیاری کے لئے پاکستان کرکٹ ٹیم کا تربیتی کیمپ آج سے قذافی سٹیڈیم میں شروع ہو گا۔ ہیڈکوچ ڈیو واٹمور کی زیر نگرانی کھلاڑی دو سیشنز میں تربیتی کیمپ میں حصہ لینگے۔ پی سی بی کی جانب سے اعلان کردہ ٹی ٹونٹی اور ون ڈے سکواڈ میں شامل کھلاڑیوں نے رپورٹ کر دی ہے۔ تربیتی کیمپ کے پہلے روز دو سیشن ہونگے پہلے سیشن میں کھلاڑی فیلڈنگ اور فزیکل ٹرینگ اور دوسرے سیشن میں باﺅلنگ اور بیٹنگ پریکٹس میں حصہ لیں گے ۔ 20دسمبر تک جاری کیمپ کے آخری تین روز پریکٹس میچز کھیلے جائیں گے۔