ڈرامہ انڈسٹری کو بھی سازش کے تحت تباہ کیا جارہا ہے: ماجد جہانگیر
کراچی (شوبز رپورٹر) ففٹی ففٹی سے شہرت حاصل کرنے والے اداکار ماجد جہانگیر نے نے ”نوائے وقت “ سے گفتگو کرتے ہوئے کہا کہ پاکستان کی فلم انڈسٹری کی طرح ڈرامہ انڈسٹری کو بھی سازش کے تحت تباہ کیا جارہا ہے۔ پاکستان میں فنکاروں کی ایک لابی نے ایک سازش کے تحت فلم انڈسٹری کا خاتمہ کیا اور اب وہی لوگ ٹی وی انڈسٹری پر قبضہ کرچکے ہیں۔ قومی اسمبلی میں فنکاروں کی نمائدگی نہیںہے ‘ میں پاکستان کی فن کار برادری کے لئے الیکشن لڑنے کی پلاننگ کر رہا ہوں۔ پاکستان میں حکومت ناکام ہو چکی ہے۔ مسلم لیگ نواز کا مستقبل روشن ہے۔ میں سمجھتا ہوں کہ پا کستان میں آنے والا دور میاں نواز شریف کا ہے۔ میری میاں صاحب سے ملاقات ہوئی نہ کوئی آفر کی ہے ۔ ملکی حالات کے مطابق میاں صاحب کا ساتھ دینا چاہئے۔ اگر میاں صاحب نے مجھے کراچی سے ایم این اے کا ٹکٹ دیا تو میں ضرور الیکشن لڑونگا ۔
اور سیٹ جیتنے کی کوشش کروں گا۔
