بھارتی ٹیم بحران کا شکار‘ دورہ میں پاکستانی ٹیم سے بہت توقعات وابستہ ہیں : سابق باﺅلر
کولکتہ (آن لائن) پاکستان کرکٹ ٹیم کے سابق کپتان وسیم اکرم نے کہا ہے کہ انگلینڈ ٹیم کے باﺅلر جیمز اینڈرسن کی سوئنگ کرانے کی صلاحیت سے متاثر ہوا ہوں۔ برطانوی اخبار کو انٹرویو میں انہوں نے کہا کہ دورہ بھارت میں انگلینڈ ٹیم کی کامیابی صرف سوئنگ کرانے کی صلاحیتوں کے باعث ممکن ہوئی ہے۔ مجھے ایسا لگا جیسے کوئی پاکستانی ٹیم بھارت میں کھیل رہی ہو۔ انہوں نے کہا کہ ریورس سوئنگ ایک اکیلے باﺅلر کا فن ہے مگر باﺅلر کو ٹیم کی مدد کی ضرورت ہوتی ہے۔ انہوں نے مزید کہا کہ آج کل پاکستانی ٹیم میں عمر گل بہترین سوئنگ باﺅلنگ کرانے کی صلاحیت رکھتے ہیں۔ انہوں نے مزید کہا کہ دورہ بھارت میں پاکستانی ٹیم سے بہت زیادہ توقعات وابستہ ہیں۔ بھارتی ٹیم بحران کا شکار ہے اور مجھے لگتا ہے کہ پاکستانی ٹیم بھارت کو اس کے میدانوں میں سیریز ہرادے گی۔