ایشین چپمپئنز ٹرافی ہاکی ٹورنامنٹ کیلئے 18 رکنی قومی سکواڈ کا اعلان
لاہور (سپورٹس رپورٹر) پاکستان ہاکی فیڈریشن نے دوسری ایشین چیمپئنز ٹرافی ہاکی ٹورنامنٹ کے لئے 18 رکنی قومی سکواڈ کا اعلان کر دیا ہے۔ آسٹریلیا میں منعقد ہونے والی چیمپئنز ٹرافی میں حصہ لینے والی ٹیم سے محمد رضوان جونیئر اور عمربھٹہ کو ڈراپ جبکہ محمد عرفان اور ایم سلمان حسین کو ٹیم میں شامل کر لیا گیا ہے۔ پاکستان ہاکی فیڈریشن کی جانب سے اعلان کردہ کھلاڑی 16 دسمبر کو لاہور کے جوہر ہاکی سٹیڈیم میں کیمپ کمانڈنٹ اختر رسول کو رپورٹ کرینگے۔ ٹیم مینجمنٹ کی مشاورت سے ٹورنامنٹ کے لئے اعلان ہونے والے کھلاڑیوں میں عمران شاہ، عمران بٹ، سید کاشف شاہ، محمد عمران، محمد رضوان سینئر، محمد توثیق، فرید احمد، راشد محمود، محمد وقاص، شفقت رسول، عبدالحسیم خان، علی شان، محمد عتیق، محمد کاشف، وسیم احمد، شکیل عباسی، محمد عرفان اور ایم سلمان حسین شامل ہیں۔
