14ویں فرزندان پاکستان حمید، مجید نظامی تعلیمی ایوارڈ کی تقریب آج ہو گی
کراچی (خصوصی رپورٹر) 14ویں فرزندان پاکستان حمید نظامی، مجید نظامی تعلیمی ایوارڈ 2012ءکی تقریب آرٹس کونسل آف پاکستان میں آج شام پانچ بجے ہو گی جس میں میٹرک اور انٹر بورڈ کے تحت منعقدہ امتحانات میں نمایاں کامیابی حاصل کرنے والے طلبہ و طالبات کے لئے تقسیم ایوارڈ تقریب منعقد ہو گی جس کی صدارت سید غوث علی شاہ سابق وزیر اعلیٰ سندھ ، فصیح الدین خان چیئرمین بورڈ آف سیکنڈری ایجوکیشن، اسد اللہ بھٹو (سابق ممبر قومی اسمبلی) یاسین آزاد ایڈووکیٹ (سابق صدر سپریم کورٹ بار ایسوسی ایشن) رانا احسان (سیاسی رہنما)، نصرت سحر عباسی (ایم پی اے) نسرین چانڈیو (سابق ایم پی اے) شیخ سلطان سعود (ماہر تعلیم)، سعید خاور ریذیڈنٹ ایڈیٹر نوائے وقت کراچی، بیگم طلعت آفتاب (افسانہ نگار) اور محمود احمد خان (نائب صدر آرٹس کونسل) اور فرزندان پاکستان کے چیئرمین رانا اشفاق رسول خاں خطاب کریں گے جبکہ الحاج شمیم الدین، سید جواد حیدر نقوی، عبدالہادی خان، امان آفریدی، بلال اعجاز شفیع، دین محمد لغاری، اباب اعظم، عبدالمجید ایرانی خصوصی شرکت فرمائیں گے۔
