2014ءتک پاکستان پر مزید مشکل وقت آئیگا: شاہ محمود
ملتان (نامہ نگار خصوصی) برصغیر کے عظیم روحانی پیشوا شیخ الاسلام حضرت بہاءالدین زکریا ملتانیؒ کے 773ویں سالانہ تین روزہ عرس کی تقریبات گزشتہ روز سے شروع ہو گئیں سالانہ عرس کے پہلے روز تقریبات کا آغاز سجادہ نشین مخدوم شاہ محمود حسین قریشی نے مزار کو غسل دے کر کیا اور چادر پوشی کی اس موقع پر صوبائی وزیر حاجی احسان الدین قریشی ‘ مخدوم زادہ زین قریشی پیر شجاعت حسنین قریشی بھی موجود تھے بعد ازاں دربار کے احاطے میں بہاءالدین زکریا اکیڈمی اور محکمہ اوقاف کے زیر اہتمام قومی زکریا کانفرنس کی افتتاحی نشست سے خطاب کرتے ہوئے ۔شاہ محمود حسین قریشی نے کہا کہ ملک میں جولائی 2012 سے 2014 تک حالات انتہائی مشکل ہونگے ۔احسان الدین قریشی‘ مظہر سعیدکاظمی‘ ہدایت اﷲ پسروری نے بھی اظہار خیال کیا۔
