لاہور (سپورٹس رپورٹر) دوسری ایشیئن ہاکی چیمپئنز ٹرافی میں پاکستان ہاکی ٹیم نے اومان کو یکطرفہ مقابلے میں 8-3 سے مات دیدی میچ کے پہلے ہاف میں مقابلہ دو دو گول سے برابر تھا جبکہ دوسرے ہاف میں پاکستانی ٹیم نے شاندار کھیل پیش کرتے ہوئے مزید چھ گول کئے جبکہ اومان کی ٹیم ایک گول کرنے میں کامیاب ہو سکی۔ شکیل عباسی نے تین، وقاص شریف نے 2 جبکہ رضوان سینئر، عبدالحسیم خان اور محمد عمران نے ایک ایک گول کیا۔ ایشیئن مینز ہاکی چیمپئنز ٹرافی میں آج تین میچوں کا فیصلہ ہو گا۔ پہلے میچ میں جاپان کی ٹیم چین کے مدمقابل ہوگی دوسرا میچ پاکستان اور بھارت کی ٹیموں کے درمیان کھیلا جائے گا جبکہ تیسرے اور آخری میچ میں ملائیشیاءکی ٹیم اومان کے آمنے سامنے ہوگی۔