دوحہ (اے پی پی) ایشین مینز چیمپئنز ٹرافی ہاکی ٹورنا منٹ میں آج مزید تین میچ کھیلے جائیں گے۔ پہلا میچ جاپان اور چین کی ٹیموں کے درمیان کھیلا جائے گا، دوسرے میچ میں بھارت اور اومان کی ٹیمیں نبرد آزما ہوں گی جبکہ تیسرا میچ پاکستان اور ملائیشیا کے درمیان ہوگا۔ پاکستان پہلے دونوں میچز جیت کر پوائنٹس ٹیبل پر سرفہرست ہے، پہلے میچ میں گرین شرٹس نے اومان جبکہ دوسرے میچ میں چین کو شکست سے دوچار کیا تھا۔