لاہور (کامرس رپورٹر)32 ویں قومی کھیلوں کے پہلے روز والی بال اور سائیکلنگ کے مقابلے شروع ہوگئے۔ پنجاب سٹیڈیم کے سامنے سائیکلنگ ویلوڈرم میں سائیکلنگ مقابلوں میں پنجاب کے محمد شکیل نے ایک کلو میٹر ٹائم ٹرائل میں گولڈ میڈل حاصل کیا۔ خواتین ایونٹ میں واپڈا کی راحیلہ بانو نے 500 میٹر ریس میں گولڈمیڈل حاصل کیا۔ والی بال مقابلوں میں پہلا میچ واپڈا اور خیبر پختونخواہ کے درمیان ہوا جو واپڈا نے 3-0 سے جیتا۔ سکور 25-1, 25-7 اور 25-2 رہا۔ دوسرا میچ ایچ ای سی اور پنجاب کے درمیان ہوا۔ ایچ ای سی نے میچ 3-0 سے جیتا۔ فائنل سکور 25-23, 25-19 اور 25-15 رہا۔ تیسرا میچ واپڈا اور پنجاب کے درمیان ہوا جو واپڈا نے 3-0 سے جیتا۔