لاہور (کامرس رپورٹر ) قومی کرکٹ ٹےم کے باﺅلنگ کوچ محمد اکرم نے کہاہے کہ پاکستانی باﺅلنگ نے ماضی میں قومی ٹیم کی کامیابیوں میں اہم کردارادا کیا ہے تاہم بھارت کے خلاف سیریز میں کامیابی کیلئے ہر شعبہ میں عمدہ کارکردگی دکھانا ہوگی۔بھارت روانگی سے قبل نیشنل کرکٹ اکیڈمی میں میڈیا سے گفتگو کرتے ہوئے انہوں نے کہاکہ گزشتہ بیس برس سے باﺅلرز نے پاکستان کی کامیابیوں میںاہم کرداراداکیا اور مجھے امید ہے کہ پاک بھارت سیریز میں بھی باﺅلرز اپنا کردار ادا کریں گے۔ان کا کہنا تھاکہ پاک بھارت ٹی ٹونٹی اور ون ڈے سیریز دونوں ٹیموںکیلئے یکساں اہمیت کی حامل ہے جوٹیم میچ کے روز اچھا پرفارم کرے گی وہی کامیاب ہوگی تاہم ایک چیز یقینی ہے کہ شائقین کوکانٹے دارمقابلے دیکھنے کوملیں گے۔محمد اکرم نے کہاکہ تربیتی کیمپ کے دوران بھارتی بیٹنگ لائن کودیکھتے ہوئے ہم نے اپناہوم ورک مکمل کیاجبکہ انضمام الحق نے کیمپ کے دوران کھلاڑیوں کو اچھے مشورے دئیے امید ہے اس کے اچھے نتائج برآمد ہوں گے۔انہو ں نے کہاکہ تمام کھلاڑیوں نے دورہ کیااہمیت کے پیش نظرسخت محنت کی کیونکہ یہ دورہ نہ صرف ٹیم بلکہ پوری ٹیم کے لئے اہم ہے ان کی دعائیں ہمارے ساتھ ہیں کوشش ہوگی کہ بھارت سے سیریز جیت کر لوٹیں۔