لاہور (سپورٹس رپورٹر) پاکستان باکسنگ فیڈریشن کے نو منتخب سیکرٹری اقبال حسین نے کہا ہے کہ میرا اولین مقصد پاکستان باکسنگ کو مضبوط کرنا ہے ماضی میں جو کچھ ہوا اس کو بھلا کر ہمیں اپنے کھلاڑیوں کو بین الاقوامی سطح تک کے مقابلوں کے لیے تیار کرنا ہے۔ توقعات پر پورا نہ اتر سکا تو گھر چلا جاوں گا۔ نوائے وقت کو خصوصی انٹرویو دیتے ہوئے اقبال حسین کا کہنا تھا کہ کلب لیول سے لیکر نیشنل لیول پر زیادہ سے زیادہ باکسنگ کے ایونٹ منعقد کرائیں گے تاکہ نیا ٹیلنٹ سامنے آ سکے۔ میرا مشن ہے کہ پاکستان باکسنگ کو ترقی دوں یہ اسی صورت میں ممکن ہو سکے گا جب میں پاکستان باکسنگ کے کھلاڑیوں کی توقعات پر پورا اتروں گا۔