لاہور(سپورٹس رپورٹر) پنجاب بنک لاہور اوپن پولو چیمپئن شپ کا ٹائٹل ڈائمنڈ پینٹس/وائی ٹرائب ٹیم نے جیت لیا۔ لاہور پولو کلب میں کھیلے جانے والے فائنل میچ میں ڈائمنڈ پینٹس/ وائی ٹرائب اور میجک ریور کی ٹیموں کے درمیان سخت مقابلہ دیکھنے کو ملا جس میں ڈائمنڈ پینٹس کی ٹیم نے 6 کے مقابلے 8 گول سے کامیابی حاصل کی۔ فاتح ٹیم کی جانب سے حمزہ معاذ خان نے چار گول سکور کیے۔ اس سے قبل تیسری پوزیشن کے لیے کھیلے جانے والے میچ میں پی اے ایف نے ماسٹر پینٹس کی ٹیم کو 4 کے مقابلے 8 گول سے مات دی۔ چیمپئن شپ کی اختتامی تقریب کے مہمان خصوصی ڈپٹی سپیکر پنجاب اسمبلی رانا مشہود تھے جنہوں نے کھلاڑیوں میں انعامات تقسیم کیے۔