لندن (اے پی پی) انگلینڈ نے دورہ نیوزی لینڈ کے لئے ون ڈے اور ٹی 20 کی الگ الگ ٹیموں کا اعلان کر دیا۔ کیون پیٹرسن کو آرام کی غرض سے ٹیم میں شامل نہیں کیا گیا۔ انگلینڈ کی ٹیم آئندہ سال فروری میں نیوزی لینڈ کا دورہ کرے گی جہاں وہ تین ٹی 20 ، تین ون ڈے اور تین ٹیسٹ میچوں کی سیریز کھیلے گی۔ سکواڈ میں سٹورٹ براڈ (کپتان)، جونی بیئرسٹو، ٹم بریسنن، ڈینی برجس، جوز بٹلر، جیڈ ڈیرنبیک، سٹیون فن، ایلیکس ہیلز، مائیکل لمب، سٹورٹ میکر، ایون مورگن، سامیت پاٹیل، جیمز ٹریڈویل اور لوک رائٹ شامل ہیں۔ ون ڈے سکواڈ میں ایلیسٹر کک (کپتان)، جیمز اینڈرسن، جونی بیئرسٹو، ایان بیل، ٹم بریسنن، سٹورٹ براڈ، جوز بٹلر، سٹیون فن، کریگ کیزویٹر، ایون مورگن، سامیت پاٹیل، گریم سوان، جیمز ٹریڈویل اور جوناتھن ٹروٹ شامل ہیں۔