وزیرآباد (نامہ نگار) 5روز قبل لاپتہ ہونے والے 5 سالہ بچے کی نعش کریانہ سٹور کے فریزر سے برآمد ہو گئی۔ سپال کالونی لاری اڈا کے رہائشی محمد شاہد کا پانچ سالہ بیٹا امیرحمزہ ٹافیاں لینے انعام کریانہ سٹور پر گیا جس کو کریانہ سٹور کے مالک محمد صابر نے پکڑکر بوتلیں ٹھنڈی کرنے والے فریزر میں بند کر دیا جس کے نتیجہ میں 5سالہ حمزہ پانچ دن قبل ہی دم گھٹنے سے ہلاک ہو چکا تھا پولیس تھانہ سٹی نے کریانہ مالک محمد صابر کو شک گزرنے پر شامل تفتیش کیا جس نے دوران تفتیش انکشاف کیا کہ اس نے بچے کو فریزر میں بند کیا ہوا ہے جس پر پولیس نے نعش کو برآمد کر کے ضروری کارروائی کےلئے تحصیل ہیڈکوارٹر ہسپتال بھجوادیا۔