لاہور (سپورٹس رپورٹر) سابق وزیراعظم بینظیر بھٹو شہید کو خراج عقیدت پیش کرنے کے لئے پاکستان ہاکی فیڈریشن کے زیراہتمام کھیلا جانے والے نمائشی میچ آصفہ الیون نے جیت لیا۔ نیشنل ہاکی سٹیڈیم کی پچ نمبر دو پر کھیلے جانے والے اس میچ میں آصفہ الیون نے بختاور الیون کے خلاف دو صفر سے کامیابی حاصل کی۔ فاتح ٹیم کی جانب سے نیلمہ حسین اور عائشہ بشیر نے ایک ایک گول کیا۔ نمائشی میچ کے مہمان خصوصی علی بدر تھے جن کا دونوں ٹیموں کی کھلاڑیوں سے تعارف کرایا گیا۔ گورنر پنجاب مخدوم احمد محمود مصروفیات کے باعث نہ آسکے۔