لاہور(سپورٹس رپورٹر) پی سی بی پیپسی کرکٹ سٹارز انڈر 16 ون ڈے ٹورنامنٹ کے چوتھے مرحلے میں مزید چھ میچوں کا فیصلہ ہو گیا۔پہلا میچ کوئٹہ اور ملتان کی ٹیموں کے درمیان کھیلا گیا جس میں ملتان نے دو وکٹوں سے کامیابی حاصل کی۔ دو سرے میچ میںکراچی نے فیصل آباد کو 52 رنز سے مات دی۔ تیسرے میچ بہاولپور نے حیدر آباد کو پانچ وکٹوں سے شکست دیدی ۔ گروپ بی کا پہلے میچ میں اسلام آباد نے فاٹا کو 5 وکٹوں سے ہر ادیا۔ پانچویں میچ میں ایبٹ آباد نے سیالکوٹ کو 34 رنز سے مات دی۔ ایبٹ آباد کی ٹیم نے پہلے کھیلتے ہوئے 9 وکٹوں پر 220رنز بنائے۔221 رنز کے تعاقب میں سیالکوٹ کی ٹیم 186 رنز بنا کر آوٹ ہو گئی۔ چھٹا میچ بھٹو گراونڈ اسلام آباد میں کھیلا گیا جس میں راولپنڈی نے 32 رنز سے کامیابی حاصل کی۔ راولپنڈی کی ٹیم نے پہلے کھیلتے ہوئے 167 رنز بنائے۔ ناصر نواز نے 54 رنز بنائے۔ جواب میں پشاور کی ٹیم 135 رنز پر ڈھیر ہو گئی۔ محمد ذہین نے 44 نمایاں رنز بنائے۔