بریگیڈئر عاطف اور قاضی محب الیون کی ٹیموں کے درمیان نمائشی ہاکی میچ
لاہور(سپورٹس رپورٹر) پاکستان ہاکی ٹیم کے سابق کپتان قاضی محب کی برسی کے سلسلہ میں بریگیڈئر عاطف اور قاضی محب الیون کی ٹیموں کے درمیان نمائشی میچ نیشنل ہاکی سٹیڈیم لاہور کی گراونڈ نمبر دو میں کھیلا گیا۔ بریگیڈئر عاطلف الیون نے میچ میں دو ایک سے کامیابی حاصل کی۔ میچ کے مہمان خصوصی پاکستان ہاکی ٹیم کے سابق کوچ اولمپیئن خواجہ جنید تھے جنہوں نے میچ کے اختتام پر سابق کپتان قاضی محب کے ایصال ثواب اور بلند درجات کے لیے دعا کرائی ۔ اس موقع پر اولمپیئن محمد اخلاق، پی ایچ ایف اکیڈمی کے کوچ رانا ظہیر، مجاہد افضل سمیت اکیڈمی کے کھلاڑیوں کی بڑی تعداد موجود تھی۔
