نوڈیرو (اے پی پی) صدر زرداری نے گذشتہ روز سکرنڈ ضلع شہید بےنظیر آباد میں شہید محترمہ بے نظیر بھٹو یونیورسٹی آف ویٹرنری اینڈ اینیمل سائنسز کا سنگ بنیاد رکھا۔ اس موقع پر آصفہ بھٹو اور بختاور بھی موجود تھیں۔ منصوبے کی لاگت کا تخمینہ 3ارب روپے ہے اور یہ تین برس میں مکمل ہو گا۔ یونیورسٹی میں 6فیکلٹیز اور 26تدریسی شعبہ جات ہوں گے۔ صدر نے دادو میں سندھ یونیورسٹی کے شہید محترمہ بے نظیر بھٹو کیمپس اور سندھ یونیورسٹی جامشورو کی شہید محترمہ بے نظیر بھٹو چیئر اور کنونشن سنٹر کا بھی افتتاح کیا۔