جنرل کیانی کا دورہ کراچی، جنگی مشقوں کے اختتامی سیشن میں شرکت کی
کراچی (ثناءنیوز) آرمی چیف جنرل اشفاق پرویز کیانی نے کراچی کا دورہ کیا اور کراچی کور میں جنگی مشقوں کے اختتامی سیشن میں شرکت کی۔ آئی ایس پی آر کے مطابق یہ مشقیں پاک فوج میں مئی کے مہینے میں شروع ہونے والی عزم نو مشقوں کے سلسلے میں تمام کور ہیڈ کوارٹرز پر ہوئیں یہ سلسلہ دوسرے کور ہیڈ کوارٹرز بھی جاری رہے گا جس میں آپریشنل منصوبوں کا جائزہ لیا جائے گا۔ آرمی چیف کے کراچی پہنچنے پر کور کمانڈر کراچی لیفٹیننٹ جنرل محمد اعجاز چودھری نے انکا استقبال کیا۔
