لاہور (خبر نگار) وفاقی وزیر و پیپلز پارٹی لاہور کی صدر ثمینہ خالد گھرکی نے کہا ہے کہ زرداری اور بلاول بھٹو نے بےنظیر بھٹو کی 5ویں برسی پر اپنے خطاب کے دوران کارکنوں کے جذبات کی عکاسی کر کے پارٹی کارکنوں بلکہ جمہوری سیاسی کارکنوں کے دلوں کو موہ لئے ہیں، بلاول کا خطاب ایک سیاسی سوچ اور فلسفہ کا ترجمان تھا۔ انہوں نے کہا کہ صدر مملکت نے سیاسی ناقدین پر واضح کر دیا ہے کہ انتخابات آزادانہ، منصفانہ اور مقررہ وقت پر ہی ہوں گے جبکہ چیئرمین بلاول بھٹو نے ایک نوآموز مقرر ہونے کے باوجود جس طرح سے خطاب کیا، اس سے بےنظیر بھٹو کے دور کی یاد تازہ ہو گئی ہے۔