لاہور (سپیشل رپورٹر) حکومت پنجاب نے 6 افسران کے تبادلوں، ترقیوں کے احکامات جاری کئے ہیں۔ نوٹیفکیشن کے مطابق فروا عامر اے سی شیخوپورہ کو تبدیل کر کے او ایس ڈی لگا دیا گیا ہے، بابر بشیر سیکشن آفیسر آئی اینڈ سی ڈیپارٹمنٹ کو تبدیل کر کے اے سی شیخوپورہ تعینات کیا گیا ہے۔ کاشف محمد علی ڈی او سی بھکر کو تبدیل کر کے ڈی او سی چنیوٹ تعینات کیا گیا ہے۔ ڈاکٹر ملیحہ اسلم پروفیسر آف پتھالوجی علامہ اقبال میڈیکل کالج کو گریڈ 20 میں ترقی دے کر قائداعظم میڈیکل کالج بہاولپور تعینات کیا گیا ہے۔ ڈاکٹر شفیق قریشی ایسوسی ایٹ پروفیسر آف پتھالوجی سروسز انسٹی ٹیوٹ آف میڈیکل سائنسز لاہور کو گریڈ 20 میں ترقی دے کر شیخ زاید میڈیکل انسٹی ٹیوٹ رحیم یار خان تعینات کیا گیا ہے۔ رخشندہ باجوہ پروفیسر آف پتھالوجی سروسز انسٹی میڈیکل سائنسز کو گریڈ 20 میں ترقی دے کر شیخ زاید میڈیکل انسٹی ٹیوٹ رحیم یار خان میں تعینات کیا گیا ہے۔