بھلوال (نامہ نگار) سلیمان پورہ میں مدرسہ کی چھت گرنے سے ایک طالب علم جاں بحق اور مدرس سمیت 11 بچے زخمی ہو گئے۔ تفصیلات کے مطابق جامعہ مسجد خلفاءراشدین کے مدرس کی چھت اچانک اس وقت گر گئی جب صبح کی نماز کے بعد قرآن پاک حفظ کرنے والے طلباءاپنے مدرس کے پاس قرآن پڑھ رہے تھے۔ چھت گرنے سے چک نمبر 18شمالی کا طالب علم فیصل ولد الیاس جاں بحق ہوگیا جبکہ مدر س مولانا قاری محمد عثمان، اشفاق، محمد یوسف، اسد اللہ اور فیصل سمیت 10 سے زائد طلباءزخمی ہو گئے۔ 3 کی حالت نازک بیان کی جاتی ہے۔ اہل محلہ کا کہنا ہے مدرسہ کی چھت ناقص اور عارضی طور پر بنائی گئی تھی جس کی وجہ حادثہ کا باعث بنی۔