کراچی (آن لائن) صدر آصف علی زرداری نے کہا ہے کہ جمہوری حکومت تمام علاقوں کی مساویانہ ترقی پر یقین رکھتی ہے۔ وہ نوڈیرو میں سندھ اسمبلی کے سابق رکن محمد شیخ سے باتیں کر رہے تھے۔ صدر نے کہا کہ تاجر برادری کو بارش سے متاثرہ علاقوں کی بحالی میں حکومت کا ہاتھ بٹانا چاہئے۔ انہوں نے کہا کہ حکومت سیلاب سے متاثرہ علاقوں میں بنیادی سہولیات کے نظام کی ترقی کو اولین ترجیح دے رہی ہے جبکہ کسانوں کو ہرممکن سہولت فراہمی کے لئے مربوط کوششیں کی جا رہی ہیں۔