کراچی میں ٹارگٹ کلنگ، پیش امام سمیت 2 افراد جاں بحق، 29 گرفتار
کراچی (نوائے وقت نیوز+این این آئی) کراچی میں چھٹی کے روز بھی ٹارگٹ کلنگ کا سلسلہ جاری رہا‘ فائرنگ سے پیش امام جاں بحق سمیت 2 افراد جاں بحق ہوگئے۔ پولیس نے مختلف کارروائیوں کے دوران 29 ملزمان کو گرفتار کر لیا۔ فیروز آباد کے علاقے شہید ملت روڈ پر نامعلوم افراد کی فائرنگ سے بہادر آباد کی مقامی مسجد کے پیش امام جاں بحق ہو گئے۔ویسٹ زون کے مختلف علاقوں میں پولیس نے کارروائیوں کے دوران 3 مفرور اور ایک اشتہاری سمیت 9 ملزمان کو گرفتار کر لیا۔ پولیس کے مطابق ملزمان سے اسلحہ‘ منشیات اور چھینے گئے موبائل فون بھی برآمد کئے گئے۔ رفیق الخلیل اہلسنت و الجماعت کراچی کے سابق صدر تھے ادھر گلشن غازی کے علاقے میں نامعلوم افراد کی فائرنگ سے ایک شخص جاں بحق ہوگیا۔دریں اثناءکراچی پولیس نے نیو ائر نائٹ کیلئے سکیورٹی پلان مرتب کر لیا۔ پولیس نے آج موبائل فون پر پابندی کی سفارش کر دی جبکہ شہری موٹرسائیکل کی ڈبل سواری سے محروم رہیں گے۔
