لاہور (سپورٹس رپورٹر) پاکستان ہاکی فیڈریشن ویمن ونگ کے زیر اہتمام پہلا ویمن چیلنج کپ ہاکی ٹورنامنٹ لاہور میں شروع ہو گیا۔ ٹورنامنٹ کی افتتاحی تقریب کی مہمان خصوصی ہاکی انڈیا کے سیکرٹری نریندر بترا کی اہلیہ چیتنا بترا تھیں جبکہ اس موقع پر پاکستان ہاکی فیڈریشن کے سیکرٹری آصف باجوہ، رانا مجاہد، مسز ثمن راشد سمیت اولمپیئنز کی بڑی تعداد موجود تھی۔ ٹورنامنٹ کے پہلے روز کھیلے جانے والے دونوں میچ ہار جیت کے فیصلے کے بغیر ختم ہوئے۔ پہلا میچ آرمی اور ریلویز کی ٹیموں کے درمیان کھیلا گیا جو ایک ایک گول سے برابر رہا۔ راشدہ اور حنا کنول نے ایک ایک گول کیا۔ دوسرا میچ واپڈا اور پنجاب کی ٹیموں کے درمیان کھیلا گیا یہ میچ بھی ایک ایک گول سے برابری پر ختم ہوا۔ عائشہ بشیر اور اقرا نے ایک ایک گول سکور کیا۔ ٹورنامنٹ میں آج مزید دو میچ کھیلے جائیں گے۔ پہلا میچ سندھ اور ریلویز کے درمیان جبکہ دوسرے میچ میں آرمی اور پنجاب کی ٹیمیں مد مقابل ہونگی۔