انڈر 19 کرکٹ: اسلام آباد اور راولپنڈی میں دونوں میچ بارش کی نذر
لاہور (سپورٹس رپورٹر) پاکستان کرکٹ بورڈ کے زیر اہتمام انٹر ریجن انڈر 19 ایک روزہ کرکٹ ٹورنامنٹ کے اسلام آباد اور راولپنڈی میں دونوں میچ بارش کی نذر ہوگئے رن ریٹ کی بنیاد پر راولپنڈی ریجن اور سیالکوٹ فائنل میں پہنچ گئے فائنل آج کھیلا جائیگا مرغزار کرکٹ گراﺅنڈ اسلام آباد میں ملتان ریجن اور سیالکوٹ کا گراﺅنڈ گیلا ہونے کی وجہ سے انتظامیہ نے بغیر نتیجے کے ختم کر دیا جبکہ راولپنڈی کرکٹ سٹیڈیم میں راولپنڈی ریجن اور زرعی ترقیاتی بنک کے درمیان میچ بھی گراﺅنڈ گیلا ہونے کی وجہ سے بغیر نتیجہ کے ختم کر دیا گیا سیالکوٹ ریجن اور راولپنڈی ریجن کی ٹیموں کو بہترین رن ریٹ کی بنیاد پر فاتح قرار دیا گیا ٹورنامنٹ کا فائنل سیالکوٹ ریجن اور راولپنڈی ریجن کی ٹیموں کے درمیان کل پیر کو راولپنڈی کرکٹ سٹیڈیم میں کھیلا جائے گا۔
